Kros denboraldia atzean utzita, duatloi sasoiari ekin dio Paula Del Pozok. Iragan larunbatean Altsasuko proba jokatu zen eta alegiarrak garaipena lortu zuen hasieratik amaierara nagusi izanda. Korrikako 5 kilometroko saioarekin eman zitzaion hasiera probari. Ondoren 22 kilometro egin zituzten bizikletan eta bigarren izan zen Uxua Idiazabalek apur bat estutu bazuen ere, korrikako 5 kilometroko azken zatian  Del Pozok tartea zabaldu zuen eta 1:18:42ko denbora egin zuen helmugan, bigarren izan zen Idiazabali 53 segundoko aldea eta hirugarren izan zen Olaia Jauregiri 4 minutu eta 30 segundoko aldea ateraz.

Argazkia: Diario de Noticias.