Intxurre pilota taldeak pilota eskola zerbitzua eskaini du udan zehar. Bada, egitasmoak izandako arrakasta ikusita, taldeko arduradunek irailetik aurrera jarraitzea erabaki dute. Astelehen arratsaldetan izango dira saioak eta 5 eta 12 urte bitarteko gaztetxoei zuzenduta egongo dira. Irakasleak Intxurre pilota eskolako kideak izango dira.

Izena emateko epea irailaren 8ra bitartean egongo da zabalik eta interesatuek udakopelotaeskola2021@gmail.com helbidera bidali behar dituzte ondoko datuak:

-Izen abizenak.

-Jaiotza data.

-Ikasturtea.

-Harremanetarako telefono zenbakia.

-Posta elektronikoa.

Behin izena emateko epea amaituta, arduradunak gurasoekin harremanetan jarriko dira xehetasunen berri emateko. Norbaitek informazio gehiago nahiko balu, aipatu helbide elektronikora idatzi dezake.