Abenduaren 31n ospatuko den San Silbestre krosaren zazpigarren ekitaldia antolatzen jarraitzen du Kultura batzordeak. Antolaketa horretan, ahalik eta jenderik gehienaren parte hartzea eskertuko da lasterketak eskatzen dituen lan guztiak banatu eta egiteko. Esku bat bota nahi duen jende horri guztiari, antolakuntza bilera baterako deialdia egiten zaio. Bilera hori abenduaren 20an, asteartea, egingo da, 20:00etan kultur etxean. Batzordeak, aldez aurretik, eskerrak eman nahi dizkie lasterketaren antolakuntzan lagunduko duten guztiei.