Abenduaren 31n Alegiako San Silbestre krosaren zazpigarren ekitaldia jokatuko da. Urtero bezala, Alegiako kultura batzordeak antolatuko du lasterketa eta aurtengoan ere, ezinbestekoa izango da herritarren laguntza ahalik eta probarik txukunena antolatzeko. Horrelako lasterketa bat antolatzeak lan handia eskatzen du eta lan horretan ahalik eta jende gehien biltzea komeni da, modu horretan pertsona bakoitzak lan gutxiago egin beharko duelako eta egunaz gozatzeko aukera ere izango delako.

Gauzak horrela, bihar, azaroak 15, krosa antolatzeko lehen bilera egingo da 19:15ean kultur etxean. Bertara agertzeko gonbita egina geratzen da eta ea antolakuntza talde handi bat osatzen den.