Berriak

Tolosaldea Garatzenek alor ezberdinekin loturiko sei ikastaro eskainiko ditu maiatzean zehar

Ikasketak homologatzeaz, Kanban metodoari buruz, lana aurkitzeko erremintez, e-commerce enpresen inguruan eta talde motibazioaren inguruan ariko dira

2021·05·05


Tolosaldea Garatzenek sei ikastaro eskainiko ditu maiatzean zehar. Hilaren 8an hasi eta 27ra bitartean luzatuko diren ikastaro horiek guztiak Tolosako Lehiberri zentroan eskainiko dira goizeko ordutegian. Azpian duzue zerrenda eta ikastaro bakoitzari buruzko informazio xeheagoa kontsultatzeko eta izena emateko, izenburu bakoitzean klik egin  dezakezue.
 

Nola homologatu nire ikasketak

Maiatzak 8, larunbata.

17:00-19:00, Tolosako Kultur Etxea

Atzerrian burututako Bigarren Hezkuntza, Batxilergo, ikasketa tekniko edo goi mailako ikasketen homologazio, balioztatze eta onarpen prozesuaren inguruko informazioa, aholkularitza eta orientazioa emango dira. Tolosako Jabetze Eskolaren testuinguruan antolatutako ikastaroa da.

 

Kanban enpresan

Maiatzak 13, osteguna

09:00-13:00, Lehiberri Zentroa

Kanban metodoa eta enpresan izan ditzakeen aplikazioak ezagutuko dira. Kanban lanaren aurrerapena kontrolatzeko eta zereginak kudeatzeko erabiltzen den metodoa da.

 

Lana aurkitzeko erremintak (1)

Maiatzak 20, osteguna

09:00-12:00, Lehiberri Zentroa

Lanbideko plataforma, posta elektronikoari zukua ateratzeko gakoak eta Infojobs plataforma erabiltzen irakatsiko da.

 

Nola sortu eta kudeatu e-commerce enpresa bat

Maiatzak 26-27, asteazkena eta osteguna

09:30-13:30, Lehiberri Zentroa

Bi eguneko ikastaroa izango da. Metodologia teoriko praktikoa landuko da, e-commerce enpresa bat sortzeko eta kudeatzeko gakoak ezagutzeko: CMSak, ordainketak, bidalketak, eskaeren kudeaketa, online marketina, e-commerce ereduak, plataformak…

 

Lana aurkitzeko erremintak (2)

Maiatzak 27, osteguna

09:00-12:00, Lehiberri Zentroa

Lanbideko plataforma, posta elektronikoari zukua ateratzeko gakoak eta Infojobs plataforma erabiltzen irakatsiko da.

 

Aurrera egiten duten talde motibatuak eta konektatuak lortu

Maiatzak 27, osteguna

09:00-13:00, Lehiberri Zentroa

Coaching eta Mindfulness teknikak aplikatzen ikasteko tailerra. Tresna praktikoak aplikatuko diru, taldean, zereginean eta pertsonengan presentzia mentala izateko. Norberaren eta besteen emozioen eragina, segurtasuna, entzuteko ohitura, pertsona eta emaitzen kohesioa edo erantzukizuna sortzea, jorratuko dira, besteak beste.