Udaberriko Egitarauko lehen ekitaldia egingo da igande honetan, apirilak 23. Alegiako Mendi Asanbladak antolatuta, txorien kantuak ezagutzeko ibilaldi bat egingo da. Eguna hasteko, 9:30ean, Aranzadiko Mikel Olanok hitzaldi bat eskainiko du Elizpe zinean gaiaren inguruan. Ondoren, entzundakoa praktikan jartzeko, Langaurrera abiatuko dira 10:30ean. Parte hartzeko asmoa dutenei prismatikoak eta hegaztien gidak eramateko gomendioa luzatzen die antolakuntzak, dituzten kasuetan. Behin gaiaren inguruan gauza asko ikasita, eguerdirako etxean izatea aurreikusten da.