Alegiako Mendi Asanbladak antolatuta Txorien Kantuak Ezagutzeko Ibilaldia egin zen atzo, igandea. Aranzadiko Mikel Olanoren gidaritzapean txorien eta berauen kantuen inguruan gauza ugari ezagutzeko aukera izan zuten bertan parte hartu zuten 35 lagun inguruk. Goizean hitzaldi bat eskaini zuen Olanok Elizpe zinean gaiaren inguruan eta ondoren Langaurrera ibilaldi bat egin zuten txorien kantuetan arreta berezia jarriz. Antolatzaileak oso gustura azaldu dira ekitaldia nola joan zen ikusita eta aurrerantzean antzeko ekintzak errepikatzeko aukera lantzen ari dira. Hurrengo irteera maiatzaren 28an egingo du Asanbladak, Langaurre Egunean, Mareara.

Argazkia: Alegiako Mendi Asanblada