Alegiako Udaleko zerbitzu ezberdinen ordutegiek aldaketak izango dituzte abuztuan. Jarraian duzue bakoitzari buruzko informazioa.

Udaletxeko herritarren arretarako bulegoak

Normaltasunez funtzionatuko dute, astelehenetik ostiralera 9:00etatik 14:00etara. Gogoan izan aurrez hitzordua hartu behar dela 943 65 10 87 telefonora deituta edo udala@alegia.eus helbidera idatzita.

Gizarte zerbitzuak

Abuztuan asteazkenetan eta ostegunetan eskainiko da jendaurreko zerbitzua. Kasu honetan ere aurrez hitzordua hartu beharko da 943 65 47 68 telefono zenbakira deituta.

Kultur eta kirol etxea

Abuztuan itxita egongo dira bertako instalakuntzak. Irailean berrezarriko da zerbitzua eta funtzionamenduaren nondik norakoen berri emango den arren, instalakuntzak erabili ahal izateko erreserba bidezko sistemari eutsiko zaio.