Valentziako hondamendiari aurre egiten laguntzeko material bilketa egin da Alegian aste honetan. Elikagaiak, garbiketarako tresneria, higiene produktuak eta antzekoak bildu dira eta herritarrek eman duten erantzun bikainari esker, material ugari bildu da. Hori guztia Valentziara bidean jarri da eta datozen egunetan iritsiko da behar handiena dagoen eremuetara. Udalak azpimarra egin nahi du alegiarrek erakutsi duten elkarlan eta elkartasunean eta eskerrak eman nahi dizkie bai bolondres bezala lanean aritu direnei eta baita ekarpenak egin dituzten herritar guztiei ere.