Alegiako Udalak, 2019ko lan sustapen egitarauaren baitan lan poltsa bat sortuko du eta bertatik, zerbitzuetako zeregin anitzetako langile bat hartuko du 2019ko abenduaren 31ra bitartean. Lan poltsa horretan izena eman nahi dutenek urtarrilaren 23ra bitartean aurkeztu ahal izango dituzte kurrikulumak udaletxeko bulegoetan, astelehenetik ostiralera 9:00etatik 14:00etarako ordutegian. Lanposturako hautagai izateko baldintzetako bat Alegian erroldatuta egotea da. Prozesuari eta lanpostuari buruzko informazio gehiago lotura honetan.