Osasun larrialdi egoera atzean utzita, aspaldiko partez Alegiako plazan kontzertu bat ikusteko aukera izango da urriaren 22an, ostirala. Dupla taldea ariko da 22:00etatik aurrera. Bikote aguraindarrak gaur egun musika urbanoa bezala ezagutzen den estiloa jorratzen du eta eszenaratze interesgarri bat proposatzen dute. Hainbat abesti argitaratuak dituzte eta datozen asteetan ikusiko du argia beraien estudioko lehen lan luzeak. Kontzertu horretarako sarrera doakoa izango da eta eguraldi txarra egingo balu, zinera lekualdatuko litzateke.