Urriaren 29an eta 30ean adineko herritarrei zuzenduriko bi ekitaldi izango dira Txintxarriak Martxan ekimenaren eskutik. Urriaren 29an, asteartea, Buru Bihotzez elkartearekin elkarlanean, Alzheimerrari buruzko hitzaldi bat eskainiko da 17:00etan kultur etxean. Buru Bihotzez elkarteko Axun Esnaola eta zaintzaile profesionala den Trini Palau izango dira hizlariak.

Bestetik, urriaren 30ean, asteazkena, ‘¿Y tú quién eres?’ pelikula eskainiko da 17:30ean zinean. Antonio Merceroren film honek alzheimerraren gaia lantzen du. Udalak, adineko herritarrak ekintza hauetan parte hartzera gonbidatu nahi ditu.