Hilabete batzuk badira gizontasun toxiko eta genero rolen inguruan gogoeta kritikoa egin eta ekimen desberdinak aurrera eramango dituen eragile bat sortzeko helburuarekin gizon talde bat lanean hasi zela.

Gizonezko* modura, berdintasun handiagoa duen jendarte bat lortzeko borroka sozial honetan erantzukizuna dutela uste dute, mugimendu feministarekin elkarlanean. Zentzu honetan, jendarte matxista eta patriarkal honek inposatzen dizkien rolen inguruan hitz egiteko topaketa eta talde dinamikak oso beharrezkotzat jotzen dituzte.

Egiten/eraikitzen ari diren proiektuari buruz interesa duten gizonezkoei, urriak 5, astelehena, 19:00tan Tolosako Kultur Etxean emango duten hitzaldi informatiboan parte hartzeko deia egiten diete. Hitzaldian, taldearen ibilbidearen berri emateaz gain, lan egiteko moduaz eta epe motz, ertain eta luzera dituzten asmoen berri emango dute.

Saio horretan parte hartu nahi dutenek izena eman behar dute aurrez 670 22 98 12 telefono zenbakira deituta edo Whatsapp mezua bidalita edo berdintasuna@tolosa.eus helbidera idatzita.