Urtarrilaren 22an, osteguna, Onintza Enbeitaren ‘Bizitza baten txatalak’ liburuaren aurkezpena izango da kultur etxean. Alegiako Mendi Asanbladak antolatu duen ekintza da eta 18:00etatik aurrera, Onintza Enbeita bertsolari, idazle eta baserritarrak Feli Madariagaren bizipenetan oinarrituta egin duen liburua aurkeztuko du. Baserriko bizimodua erromantizismorik gabe eta emakumeen ahotik kontatzen duen liburua da Enbeitarena.