Urtarrilaren 27an, ostirala, haurrei zuzenduriko ekintza berri bat eskainiko da Neguko Kultur Egitarauaren baitan. Ekain pailazoak ‘Aho bete hortz’ ikuskizuna eskainiko du zinean 17:00etatik aurrera. Pailazo, malabarista eta aktore azpeitiarrak txikienak aho zabalik uzteko moduko emanaldia eskainiko du. Emanaldi horretarako sarrerak urtarrilaren 23an jarriko dira salgai kultur etxean hiru euroko prezioan.