Bihar, azaroak 22, Xexili Deunaren eguna ospatzen da, musikarien eguna ere badena. Horri lotuta, urteroko moduan Loatzo musika eskolako ikasleak kalera aterako dira eguna ospatzera. Kalejira bat egingo dute lehenik Alegiako kaleetan eta ondoren, 18:00etan, emanaldi bat eskainiko dute plazan. Denentzako irekia izango da eta emanaldiaren amaieran txokolatea eskainiko da.