IZFE Schedule

Festa batzordearen lehen bilera irekia

Data Ordua
2024/02/1918:30
Kokapena
Inaxio Begiristain Kirol eta Kultur etxea

Alegiako Festa batzordeak uztaileko jaiak antolatzeko lehen bilera irekia egingo du datorren otsailaren 19an, astelehena, 18:30ean kultur etxean. Herritarren zein herriko eragileen ekarpenak eskertuko dira. Asteleheneko bilera hori irekia izango da ekarpenen bat edo proposamenen bat egin nahi duen ororentzat. Guztiak ongi etorriak izango dira ahalik eta egitaraurik anitzena osatzeko bidean.

Ekarpenen bat edo proposamenen bat duen norbait baldin badago eta ezin badu bilerara etorri, beste bide batzuk erabiliz ere bidali dezake proposamena. Batetik, kultura@alegia.eus helbidera idatzita. Bestetik, Udal webguneko iradokizunen atala erabiliz. Azkenik, jada herritarren eskura den Alegia APP gailu mugikorretarako aplikazioak ere eskaintzen du Udalarekin harremanetan jartzeko aukera.