Web edukia bistaratu
Itzuli orri osora
Kutxa Literatur Saria irabazi duen lanaren inguruan ariko dira Amaia Goikoetxeak dinamizaturiko saioan

2021·10·13


Alegiako Irakurle Taldeak 2021-2022 ikasturteko lehen saioa egingo du datorren urriaren 14an, osteguna. Mikel Ayllonen ‘Zoriontsuak izatea aukeratu genuen’ lanaren inguruan ariko dira 18:00etatik aurrera liburutegian, Amaia Goikoetxeak gidatuko duen saioan. Egun horretan, liburutegia 18:00etatik aurrera itxita egongo da.

Anjak lana, familia eta sorterria utziko ditu, ezagutu duen maitearen atzetik joatearren; Marcok haurtzaroko mendietako mamuak ahaztu nahiko ditu itsas lainoen artean; Rosalía beretik eman eta eman ariko da, ordainetan deus gutxi eskatu gabe; Amaiak ez du bere institutuko lagunen moduan amaitu nahi; Izaskunek badaki beste pertsonei nola lagundu, bere buruarekin asmatzea falta…
Zoriontsu izan nahi dute istorio hauetako protagonistek, baina badakite zoriona ez dela iragarkietako zelofanetan bildutako opari hori; are, susmatzen dute, ahaleginduagatik ere, ez zaiela trukean etorriko betiereko paradisurik. Baina ezin bertan goxo geratu, ezin etsi…
Donostia Hiriko Kutxa Literatura Saria irabazi du Mikel Ayllonek ipuin-bilduma eder honi esker, non hitzek edertasuna bilatzen duten, non edertasuna istorio baten zerbitzura dagoen, eta non istorio horrek gogoeta eginaraziko digun bizitzaren zentzuaz, eta baita geure bizimoduaz ere.