Web edukia bistaratu
Itzuli orri osora
Datorren jardunaldiari begira, jubenil mutilek jokatuko dutena izango da Elorrin ikusi ahal izango den partida bakarra

2021·11·03


Intxurreko futbolariek bi partida irabazi zituzten iragan asteburuan. Jubenil mutilek 3 eta 1 menperatu zuten Ordizia eta sailkapeneko hirugarrenak dira. Larunbatean 11:30ean bigarren dagoen Segura Goierrieren aurka jokatuko dute. Kadete mutilena izan zen asteburuko beste garaipena. Seigarren partida segidan irabazi zuten Ordizian 0 eta 3 eta lehen postuan sendo jarraitzen dute. Asteburuan atsedena izango dute.

Erregional mutilek 0 eta 2 galdu zuten Segura Goierriren aurka. Laugarren postuan dira eta asteburuan ez dute partidarik izango. Gorengo mailako neskek 6 eta 0 galdu zuten Elgoibarren. Lehen itzulia punturik batu gabe amaitu dute eta bigarrenari Realaren zelaian jokatuz emango diote hasiera igandean 10:00etan.

Azkenik, infantil mailako taldeei dagokienean, mutilek 0 eta 4 galdu zuten Idiazabalen kontra. Zazpigarren daude eta larunbatean 10:30ean beraien atzetik dagoen Ordiziaren zelaian ariko dira. Neskek atsedena izan zuten eta larunbatean 10:00etan Billabonaren aurka jokatuz itzuliko dira lehiara.