Web edukia bistaratu
Itzuli orri osora
Erregional eta kadete mutilak eta gorengo mailako neskak izango dira partida horietako protagonistak

2021·12·01


 

Asteburuan hiru futbol partida jokatuko dira Elorri zelaian. Erregional mutilek Euskaldunaren aurkakoa izango dute larunbatean 15:30ean. Iragan asteburuan bina berdindu zuten Atotxa RIverren zelaian eta laugarren postuan daude alegiarrak aurkaria baino hiru puntu gehiagorekin. Gorengo mailako neskek Goierri Gorriren aurka jokatuko dute igandean 17:30ean. Alegiarrek 5 eta 0 galdu zuten azken partida Andoainen eta zortzigarren jarraitzen dute punturik lortu gabe. Kadete mailako mutilek hamargarren partida jarraian irabazi nahiko dute larunbatean 11:00etan Aizkorri Goierriren aurka. Intxurrekoek 0 eta 4 irabazi zuten Tolosan eta lidertzan jarraitzen dute. Goierritarrak hirugarrenak dira.

Bestelakoan, jubenil mutilek 3 eta 8 galdu zuten Idiazabalen kontra. Bosgarrenak dira eta larunbatean 10:00etan seigarren dagoen Danenaren zelaian ariko dira. Azkenik, infantilei dagokienean, mutilek 4 eta 1 irabazi zuten Beasainen aurka eta neskek 2 eta 4 galdu Aizkorri Goierriren kontra. Bi taldeek atsedena izango dute asteburuan.