Web edukia bistaratu
Itzuli orri osora
Larunbatean erregional eta infantil mutilen partidak ikusi ahal izango dira Elorri zelaian

2022·01·12


Intxurreko futbol taldeek hasi dute 2022 urtea. Asteburuan jokaturiko bost partidetan hiru garaipen lortu zituzten. Jubenil mutilek 4 eta 0 irabazi zuten Euskaldunaren aurka kopako lehen partida. Lehen hiru puntuak bilduta, Danenaren zelaian jokatuko dute larunbatean 12:00etan. Kadete mutilek ere garaipenarekin ekin diote igoera faseari. Aretxabaleta UDAren aurka 3 eta 0 nagusitu ziren eta Bergaran izango dute bigarren partida, hauek ere larunbatean 12:00etan. Infantil mailako neskena izan zen hirugarren garaipena. Goierri Gorriren aurka 4 eta 3 irabazi zuten. Zazpigarrenak dira zazpi punturekin eta asteburuan atsedena izango dute.

Infantil mutilek hiruna berdindu zuten Idiazabalen. Zazpigarren postuan daude bederatzi punturekin eta larunbatean 11:00etan etxean ariko dira zortzigarren dagoen Ordiziaren aurka. Erregional mutilek porrotarekin hasi zuten igoera fasea. Touringen zelaian 3 eta 2 galdu zuten markagailuan aurretik joan ostean. Larunbatean 15:30ean Lengokoaken aurka jokatuko dute etxean.

Azkenik, gorengo mailako neskek asteburuan hasiko dute kopako ibilia. Zestoan jokatuko dute larunbatean 15:30ean.