Web edukia bistaratu
Itzuli orri osora
Asteburuan gorengo nesken eta jubenil zein kadete mutilen partidak jokatuko dira Elorri zelaian

2022·01·19


Intxurreko futbolariek bi garaipen lortu zituzten asteburuan jokaturiko lau partidetan. Erregional mutilek igoera faseko lehen garaipena lortu zuten 4 eta 2 etxean Lengokoaken aurka. Bosgarren postuan daude eta igandean 16:30ean hirugarren dagoen Elgoibarren aurka jokatuko dute. Igoera fasean ari diren kadete mutilek ere irabazi egin zuten. Bergaran jokatu zuten eta 2 eta 3 nagusitu ziren. Lehen postuan dira eta igandean 18:00etan seigarren dagoen Zumaiakoren bisita izango dute.

Gorengo mailako neskek eta jubenil mutilek kopako partidak izan zituzten eta galdu egin zuten. Neskek 4 eta 0 galdu zuten Zestoan. Punturik gabe dira eta beraien egoera berean dagoen Leintz Aloñaren bisita izango dute larunbatean 15:30ean. Jubenilek 3 eta 2 galdu zuten Danenaren zelaian. Lehen postuan jarraitzen dute eta bosgarren dagoen Billabonaren aurkakoa izango dute larunbatean 12:00etan etxean.

Infantil mailako taldeen lehiaketa etenda dago indarrean diren neurri murriztaileak direla eta.