Intxurreko jubenil mailako gizonezkoen taldeak kopako final laurdenetako kanporaketa jokatuko du Antigua Luberriren aurka igandean Donostiako Berio zelaian 18:30ean. Final zortzirenetan Mundaiz kanporatu zuten alegiarrek 4 eta 1 irabazita eta finalerdietan sartzeko aukera dute parez-pare. Antigua Luberrik Antzuola kanporatu zuen 3 eta 2 irabazita.

Bestelakoan, erregional mutilek igoera faseko partida izango dute etxean larunbatean 15:30ean Eibartarraken aurka. Alegiarrek 4 eta 1 galdu zuten larunbatean Mariñoren zelaian eta bederatzigarrenak dira sailkapenean. Infantil mutilak ere etxean ariko dira. Urolaren aurka 0 eta 9 irabazi zuten eta kopako multzoko lidertzan dira, Ordiziaren aurka larunbatean 11:00etan jokatu aurretik.

Infantil neskek 5 eta 4 galdu zuten Goierri Gorri A taldearen aurka eta seigarren postuan daude kopako multzoan. Larunbatean 9:00etan etxetik kanpo ariko dira berriz ere, Goierri Gorri Dren zelaian. Kadete mutilek 6 eta 1 irabazi zuten asteburuan, igoera faseko hamabosgarren garaipena lortuz. Larunbatean 11:30ean bigarren dagoen Urnietaren aurka ariko dira.