Alegiako Udalak haurrentzako eta nerabeentzako jarduerak eskainiko ditu uztailean zehar. Udaleku irekiak, kirol udalekuak eta udaleku parte hartzaileak izango dira aukeran, adin ezberdinetako haurrei eta nerabeei zuzenduta. Jarduera horietan izena emateko epea maiatzaren 22tik 26ra bitartean egongo da zabalik, azpiko formularioak betez edo kultur etxera joanez.

Alde batetik, HH3tik LH2ra bitartekoek udaleku irekiez gozatzeko aukera izango dute. Bestetik, LH3tik LH6ra bitartekoek, kirol udalekuak izango dituzte eskura eta azkenik, 2006tik 2010era bitartean jaiotakoek Udaleku Parte Hartzaileetan aritzeko aukera izango dute.

Udaleku Parte Hartzaileetan hiru ekintza egingo dituzte uztailaren 4an, 6an, eta 11n eta ondoren lau eguneko eta hiru gaueko irteera bat egingo dute hilaren 19tik 22ra. Parte hartu nahi dutenek 120€ ordaindu beharko dituzte.

Udaleku irekien eta Kirol udalekuen kasuan berriz,, bi txanda izango dira. Lehen txanda uztailaren 1etik 14ra luzatuko da eta bigarrena uztailaren 18tik 29era. Txanda baten parte hartzeak 55 euroko prezioa izango du eta bietan jarduteak 100 eurokoa. Jarduera guztien ordutegia 10:00etatik 13:00era izango da, astelehenetik ostiralera.

Jarduera bakoitzaren inguruko xehetasunak jarraian kontsultatu ditzakezue. Informazio gehiagorako edo zalantzak argitzeko 943 65 46 98 telefono zenbakira deitu daiteke edo kultura@alegia.eus helbidera idatzi.

OHARRAK

-Plaza mugatuak daude eta izena ematearen arabera egokituko dira.

-Ekainaren erdi aldera bilera baterako deialdia egingo da udaleku ezberdinen inguruko xehetasun guztiak emateko.

 

UDALEKUEI BURUZKO INFORMAZIOA

-UDALEKU IREKIEI ETA KIROL UDALEKUEI BURUZKO INFORMAZIOA

-UDALEKU PARTE HARTZAILEEI BURUZKO INFORMAZIOA

-HOBARIEI BURUZKO INFORMAZIOA

-DATUEN BABESARI BURUZKO INFORMAZIOA